粵文常見錯別字

粵文常見錯別字（LSHK 粵拼方案）

本文列出粵文中常見嘅錯別字，幫助大家寫規範粵文。

粵文一般使用傳統漢字做書寫系統，因此冇簡化字中多字合併嘅問題。關於大陸簡化字嘅歸併問題，請參見簡化合併字表同簡化同形字表。

常見錯別字表同推薦用字方案

資料中部分字有唔止一個建議用字，主要考慮到粵語區唔同地域用字習慣，表示呢幾種用字皆可。

常見混用寫法　粵拼（釋義汞及判別標準）

比畀俾　bei2（三隻字皆讀 bei2）
「比」義爲【比較】
「畀」義爲【給予】、【被動】
「俾」罕用字，一般用於譯名例如「俾斯麥」或者成語

哋地　dei2/dei6（兩隻字都有 dei6 讀音）
「哋」僅用於複數人稱代詞，例如「我哋」「佢哋」
「地」可用於「地面」「地點」等
　　　另有一發音 dei2，用喺形容詞度，例如「神神地」

Ｄ滴尐啲　di1/dit1（讀作 di1 或 dit1 ，意思係【少量】）
「啲」一律寫作「啲」。其餘都係非規範寫法。

㞘㧻涿督篤　duk1（全部都讀 duk1）
「㞘」指【最尾】【末端】，例如「行到㞘」
「㧻」係動詞，指【刺】【戳】
「涿」係量詞，指「一涿屎」「一涿尿」
「督」用於「監督」、「都督」等
「篤」用於「篤信」、「篤定」等

瞓訓　fan3（讀音均為 fan3）
「瞓」意思係【睡眠】，例如「瞓覺」
「訓」用於「訓練」「訓教」等

翻返番　faan1（皆有 faan1 讀音）
「翻」義爲【越過】【攀爬】
「返」義爲【返回】、【前往】【回復體標記】
　　　例如「返工」、「整返好佢」
　　　亦有另一讀音 faan2
「番」意思有【次數】、【西方嘅】

噉咁　gam2/gam3（兩字皆有【如此】嘅意思）
「噉」讀 gam2，代詞，例如「噉樣嘅話」
「咁」讀 gam3，副詞，例如「咁犀利」

嚿舊　gau6（兩字皆讀 gau6）
「嚿」係量詞，意思係【塊】
「舊」意思係【古老】

嘅既噶　ge3
「嘅」讀 ge3，係屬格標記，例如「我嘅書」
「既」讀 gei3，用例「既然」
「噶」讀 got3，係擬聲詞

嗰個果　go2/go3
「嗰」係遠指代詞，讀 go2，例如「嗰個人」
「個」讀 go3，用例「一個人」
「果」讀 gwo2，用例「果實」「水果」

吓下　haa2/haa5
「吓」讀 haa2，僅用作語氣詞
　　　例如「吓？係真嘎？」「係噉嘅咩吓？」
「下」讀 haa6 個陣表示方向，例如「下面」「下方」
　　　讀 haa5 個陣表示次數，例如「畀我睇下」「試下先」

係系喺繫　hai6
「係」讀 hai6， 用作謂語
「系」讀 hai6，用例「系列」
「喺」讀 hai2，表示所處時間方位，意思係【位於】
　　　用例「我喺度」
「繫」讀 hai6，用例「聯繫」。

嘢野　je5（讀音都係 je5）
「嘢」係名詞，指【事物】
「野」係形容詞，用例「野外」

來嚟黎　lai4/lei4/loi4
「來」讀 loi4 ，用例「將來」「未來」
「嚟」讀 lai4 或者 lei4，例如「過嚟」
「黎」讀 lai4，用於姓氏或者「黎明」等

無冇　mou4/mou5（兩者皆爲否定詞）
「無」讀 mou4
「冇」讀 mou5

諗惗冧　nam2/lam3
「諗」讀 nam2，意思係【思考】【想】。
「惗」讀 nam2，係「諗」嘅異體字，唔推薦使用
「冧」讀 lam3，指【倒塌】，例如「冧屋」「冧樓」

使駛洗　sai2（三隻字都讀 sai2）
「使」用於「使用」，例如「使錢」「唔使客氣」；
　　　另外有 si3 嘅讀音，用於「使者」「信使」「大使館」等
「駛」用於「駕駛」
「洗」指【清潔】，注意「使錢」同「洗錢」嘅意思差別

曬晒嗮哂　saai3
「曬」讀 saai3，指「曬太陽」
「晒」讀 saai3，係助詞，指【全部】例如「食晒飯」
「嗮」讀 saai3，一般同「晒」意思相同，但係唔推薦使用
「哂」讀 can2，指【譏笑】，例如「哂笑」

左咗唨　zo2（讀音皆為 zo2）
「左」指方向，例如「左手」
「咗」完成體標記，例如「食咗飯」
「唨」同「咗」意思相同，但係唔推薦用呢隻字

著住着　zyu3/zyu6/zoek3/zoek6
「著」讀 zyu3，用例「著作」「著名」
「住」讀 zyu6，係助動詞，例如「袋住先」；
　　　亦有「居住」嘅意思
「着」有兩個發音「zoek3/zoek6」
　　　讀 zoek3 嗰陣係動詞，例如「着衫」；
　　　讀 zoek6 嗰陣有兩個意思
　　　第一個係官話入邊嘅進行體標記，例如「唱着歌」；
　　　第二個係【啓動】嘅意思，例如「着火」「着色」

資料：粵拼 JYUTPING 文集（LSHK 粵拼方案）
　　　https://www.jyutping.org/

香港語文。廣東話資料館